Borstrok


Foto:
Gedicht

Borstrok

  Nieuwsflits

Ik ziej mien moder doar nog zitn

Ziej har breipen’n oondern aarm

Det breien deu ziej neet daegeliks

Zo’n borstrok vun ziej lekker waarm

Den borstrok was van kriebel goarn

In averechtse ribbels toe emaakt

Veurn hals wödden de stek’n emindert

Doar wödn ne kaantie laanks ehaakt.

Het was mar ne eenvoudig breiwark

Zo’n bostrok was weenters lekker waarm

Het waan twee lap’n met schoolderbane

En doaruut stökn dan oen aarm.

In harfst dan dreug iej den borstrok

En kriebeln dat det ding vake deet

Mar moder was bezorgt,dan zea ziej

Mar rimmetiek diej krieg iej neet

Tingzwoardig dreage wiej gin borstrok

Det is ja helemoal uut de tied

Wiej woond in good verwaarmde huze

Det kriebel ding bin wiej noe kwiet

Mangs deank ik an diej tied terugge

De weenters met völle ies en snee

Den borstrok was neet oaverboadig

Moder gaf oon leefde en waarmte mee.

Fenny Martens Berends

Meer berichten

Het lokale nieuws in uw mailbox ontvangen?

Aanmelden