twentsvolksblad@dpgmedia.nl
twitter.com/TwentsVolksblad
facebook.com/twentsvolksblad
Foto:
Biej het wisseln van het joar
Heurn wiej aait onmeundig knaln
As vuurwark dan wier kleurn
Zaagn wiej de mooiste baln
Heel daege heurn wiej schieten
Jongevolk knappen met carbid
Een tradietie deed boej Twente heurt
De melkbussen stun in’t gelid
Ne lappe an stok heul ziej er biej
Het deksel vleug dan wiedt vot
En plezeer har dan het jonge volk
Waant oalejoar knaln ziej kepot
Mar vuurwark knaln is noe gebuurd
Noe in disse biejzundere corona tied
Mar het jongevolk verveeld zik stom
Baldoadigheid wa’j oaveral ziet
Mar alns ko’j heur ok nit vebiedn
Deed kliern hef heur in de macht
Ziej lokt dan het gezag noe uut
Det hef we meulikheedn ebracht
Met det gehele vuurwarkverbod
Wödt het oalejoar arg stille
En veur het jongevolkvan noe
Diej hebt ok helemoa gin wille
Wiej weet nit wat 2021 oons brech
Doar könt wiej noa bliem roan
Wiej hop det’n tookomst better git
Doar mut wiej met meka veur goan.
Fenny Martens Berends
2 
