Nep kasboom


Foto:
Gedicht

Nep kasboom

  Nieuwsflits

Mien man hef’n kasboom in meka ezet

Het leek ja net ne bouwpakket

Hee kon der hoast ja niks van bakn.

Met oalemoal de zölfde gruune takn

Ne iezer poal det is zeen stam

Doar haak hee al diej takke an

De takn hebt ne kleurtie kreegn

Doardeur zat hee ok niet veleegn.

Heeln oamd was hee er zuute met

Toe hee de keersies erin har ezet

Too blik ziej waan oalemoal kepot

Ziej mosse weer uutn kasboom vot

Hee hef oaveral noa kasvelichting zoch

Ziej waan in Nijverdal uutvekocht.

Hee gung ne aandre daegs op pad

In Riessen han ziej nog keersies zat

Zo op-etuugt lik oons kasboom wé wat

Ok slingers en kasballen heffe zat

Noe steet he’j te proonk veur de roetn

En sfeervol lik he’j ok van boetn

As nepboom hef he’j a joarn met egoan

En mag weer veur de tuundeuren stoan

He’j oaverleefd ok disse kasdaege weer

Al heffe nit zovölle noalden meer.

Fenny Martens Berends

Meer berichten

Het lokale nieuws in uw mailbox ontvangen?

Aanmelden