Karrespoor N35


Foto:
Gedicht

Karrespoor N35

  Nieuwsflits

De files blieft a joarn op de N35 stoan

Wiej hebt zo het lik een lange weg tegoan

Joarn wödt doar oaver geouwehoerd

Miljoenen hetf het kost veur het vervoer

Doar bint zovölle oongelukn gebeurd

Ok völle dooin bint er doarnoe al betreurd.

Elkn dag ried ziej in files met meka

Ginne weg verbreein vindt Cornelia

Ziej as minister van verkeer en waterstoat

Doarop bint Hoarlenaarn onmeundig kwoad

Er kump gin breeje weg noa Nijverdal

Vanof Marienheen blif de weg arg smal.

Det ecoduc in barg lig wel oaver de weg

Mar een tunnel biej Hoarle wödt er nit eleg

Het wild in barg is belangrieker as een keend

Deur de netuur bint ziej helemoal verbleend

Wiej in Twente zit noe weer in lessen trein

Op het Karrspoor ried wiej metn bult sagerijn

Het oaverleg met gem.Roalte was nit correct

Oonzen Anneke Raven was better gebekt.

Ziej had het probleem aanders opelöst

Al had het ok nog we een tiedje eköst

Wiej noe dan de laankste oadem hef

Diej hef as bertuurster de meeste lef.

Fenny Martens Berends

Meer berichten

Het lokale nieuws in uw mailbox ontvangen?

Aanmelden