Foto:
Gedicht

Teegnslag

  Nieuwsflits

Een ieder meanse krig teegnslag in het leaven

Deur zeekte , financiëel of deur coronapech

Het lig er an hoe aaj doar mee umgoat

Oe karakter zit oe mangs we in de weg

Oons leaven git niet van ne leien dakkie

En teegnspoed det dut oe mangs zo zeer

Det is we makkelik ezegt as edoane

Het leaven brecht niet aaltied ummekeer.

Toch as iej bliede stoat int leaven

Hef mennigeen ne antrekkelik gemood

An klagen hebt de meesten leu ne hekel

Een bliede lach det dut ne ieder good

Det corona hef oonze weareld zo veraanderd

Wiej meansen hoalt van knuffeln met mekoar

Det ofstaandelike doar kunt wiej niet an wen

Wiej twiefeld an besmetting en gevoar.

Mar noe in disse tied met het coronavirus

Löt minnigene noe het heufd we haang

Wiej mut oons hoaln an zovölle regels

Mar in oons hatte bint wiej meesttieds bang.

Meer berichten