Foto:
Gedicht

Mantelzorger

  Nieuwsflits

Bin iej in corona tied een mantelzörger

En is oe medeleaven dan arg groot

Dan he’j in disse tied neet gemakkelik

Waant in de zörg git alang neet good.

As oe moder dement begint te wödden

En is allenig weane neet is vertrouwd

Dan stoat iej mangs duuzen angsten uut

Det maakt oe as keend benauwd

Of mut iej veur oe oalde vader zörgen

En elkn dag zien etn eam breng

Begrip hee neet det iej zo drök bint

Muj hem det alsmar uut goan leng.

Het leaven is meesttieds arg meulik

As mantelzörger veul iej oe bezwoard

Iej bint drök met oe baan oe keender

Mangs slep iej oe vake zölf mar voort.

Iej wilt het beste veur oe oalders

En veural in disse corona tied

Mangs stoat iej er hemoa alleen veur

Det gif umsliek völle verdreet

As mantelzörger he’j neet gemakkelik.

mangs proat iej oe zölf de mood mar in

Iej wilt geerne sociaal en dapper weane

Oe voldoening diej ko’j doar in vin.

Meer berichten