Foto:
Gedicht

Klokkenactie

  Nieuwsflits

De klokken van ’n Oalen Griezen

Doarin zitn noe ne groot’n bas

Det zöl van vekeerde klepels kom

Wat in vrogertied niet was.

De Noabers van n,Oalen Griezen

Diej wilt met meka prebeern

Umme met 71.000 euro noe

De klokken te restaureern.

Joarn zungn de klokke heur leedtie

Heur galm hef oons hatte raakt

Wiej könt zien klaank niet missen                

Doarum mut de klokke wun emaakt.

Met de Clubactie van de Rabo

Koj noe wat euro’s schenken

Oale Griezen zoonder klokken

Doar muuj toch niet an denken.

In diej woelige oorlogs joaren

Hebt Duutsers de klokken ontvremd

Ziej hebt diej uut de toorn ehaald

Ziej waan as waapntuug bestemd.

Mar in Gröningen doarin de haven

Doar hebt ziej de klokken weer evun

Ziej leagn in het ruum van vrachschip

Zodet ziej trugge noa Heldern gun.

As de klokn luudt boam Heldern

En zik op tied loat heurn

Gef ziej veur oons het ritme an

Biej oons dageliks gebeurn.

Fenny Martens Berends

Meer berichten