Foto:
Gedicht

Herfstleaven

  Nieuwsflits

A’j noe de Nijverdalsenbarg deur goat

Woar bassens völle paddesteule stoat

Met elfenbaankiej op ne stroonk

Zeen gelle pracht steet doar te proonk

Mar ok de rooie gestipte vliegenzwam

Den zien harfstgedoante tot zik nam.

De kruusspinne hef zeen eagen list

Biej nacht hef hee in de koale mist

Zeen droaien laank en uuterekt

Zo vangt hee elk verdwaald insect

Heel kunstig hef hee zeen web emaakt

Woar mennig mugge verward in raakt.

De beume dreagd heur kleed as broons

Heur blaaje bint zo ligt as doons

Met kleur’n oranje,noa broons en rood

Zee bint arg teer en ziej ligt doar bloot

De beume bint noe dunne in ’t hoar

De harfst is heanig an met heur kloar.

De blaaie vliegt mangs woest in’t roond

En ekkels valt dale veur de groond

De beume diej verliest heur kleurige blaain

En harfstweend blif aaltied mar graain

Dizzen umslag is’ mooi veur’n netuur

Het laandschop steet helemoa in kluur

Fenny Martens-Berends

Meer berichten