Foto:
Gedicht

Septembermoand

  Nieuwsflits

September har nog waarme daege

mangs ha’w bieizundere temperatuur

Ik zatte regelmoatig eam in de zunne

Op de stroate roond het middagsuur.

Mien begonia’s stun uutbundig tebluujen

De natuur den hef noe zien eagen plan

Mangs ha’w ontzetn völle reagen

Met wateroaverlast gung het ervan.

Het weer was meesttieds wea verroadelik

Dan ha’w zo oonverwachtsen doonderslag

Of völle weend guln deur de schösteen

Den mangs de luu wea schade brach.

Noe neamt wiej ofschied van de zommer

Vake was’t arg waarm de nachen wan dan kot

De natuurorganisaties han wea wat te klagen

Het water trök zo uut de boadem vot

Biej oamd zaagn wiej de mooiste löchten

As ne schilderdook van Vincent van Gogh

Dan keek iej vewoonder noa de hemmel

Mar het mooiste kump temet dan nog.

As beume de harfstkleed wear goat draegen

Heur blaaie rood tot gel oranje kleurt

Dan ziej het laandschop zo veraandern

het harfstpenceel gif alns weer een beurt.

Fenny Martens –Berends

Meer berichten