Foto:
Gedicht

Coronaprinsjesdag

  Nieuwsflits

Prinsjesdag was van’t joar biejzunder

Disse keer was’t niet in de Ridderzoal

Mar in de Grote Karke miln in den Haag

Doar zat oonze regering oalemoal.

Ok ginne riejtoer deur de stroaten

De Goldenkoetse wödn in’t museum ezet

Dissen Prinsjesdag was kaal en sober

Det corona hef alns op de kop ezet

De Koning kwam met een gewone Audi

Acht motorrieders vormen ziene stoet

Er stun niet völle volk laanks de stroaten

De richtliene volgen ziej op de voet.

Biej de karke doar an ekommen

Gaf de Koning en Maxima een knik

Noa het mooie oale vaandel

Met t’ Wilhelmus ne plechtig oognblik.

Ministers zaatn in de karke te wachen

Tot de koningspaar binnen kwam

Ziej zaatn anderhalve meter uut mekare

Ummme det ziej zo het veurtouw nam.

Koning Wilem-Alexander leazen de plannen

Oonze regering trekt noe de knippe los

Waant bezuunigen brech nog meer ellende

Zo wödt de financiële probleem op-elost

Meansen in de zörg die kriegt een bonus

Ook de minima wödt de huur gecompenseerd

Mar met de verkiezing temet veur de deure

Muj wel of wachen hoe het tiej zik keert

Fenny Martens -Berends

Meer berichten