Foto:
Gedicht

Boomkap Eversbarg

  Nieuwsflits

Er lig een uniek stukkie bos biej Nijverdal

Noabiej de spoorliene nöast de Gruune Mal

De beuken stoat in een greunen zoom

Beziedn kabbelt doar de Regge stroom.

Laandgoed Eversbarg kwam umme deur’t vuur

Ziej hef’n stukkie gracht en vleermoesenmuur

Het laantje woar vake de paartjes gun zwarven

Heur naam metn mes in de beume gun karven.

Landschap Oaveriessel hef Eversbarg in’t beheer

Det hef zik opheden niet ten goede ekeerd

Want elf beume bint moandag doar dale egoan.

Bewoners an Eversbarg bint doardeur ontdoan.

Ziej han bezwoarn mar doar is niks met gebeurt

Er kump een kinderdagverblief heb ik eheurd

De buurte is noe kwoad det dit zo mar mag

En det noa heur,noe hemoa niet wödt edach.

Temet wödt nog meer van’t bos an-epakt

Eversbarg det laandgoed det blif zo niet in tact

Bezwoaren zweidse vot ,wödt zo vot egooid

Ziej vernield de earde, den wödt zo veknooid.

Het Eversbargbos was oons dierbaar en vertrouwd

Er zöl tot op heden doar niks wödn ebouwd

Det was zo bezwoarlik en slech veurn netuur

Mar niks veraanderlik as een gemeentebestuur.

Fenny martens -Berends

Meer berichten