Logo twentsvolksblad.nl


Foto: Fenny

Wekelijks gedicht Fenny Martens-Berends: Biej de masseur

  Column

Wat hak ne piene in de rugge
Mien huusarts verwees miej deur
Ik kön ok wé tebletn kriegn
Mar ik moch ok noa'n masseur.

Doar mos op de behaandelbaanke
En umme doar dan op te kom
Det kossen miej völle meujte
Van pienne wak stief en krom.

Ziej masseern miej in de rugge
En det deet miej bassens zeer
Ik wödden ekneed en ekneppen
Det mut zo elke wekke wear.

Ok wun ik oondern stroom ezet
Kreege doppe op de hoed
Iej veuln dan van diej prikkels
Det was veur de spiern heel good.

Doarnoa wun ik vol eplakt
Met rooje en zwatte pleisters
Det mut mien meender piene geem
Noa al det masseer geheister.

En oefening mut ik thuus ok doon
Det doot wiej dan op't bed
Elkn morn is't rekn en strekn
Mien man den dut ok met.

As ik niks an det bewegging deu
Dan raak ik stram en stief
De spiern diej mut wé soepel bliem
Aans wu'k ne krakkemikkig wief.


 

reageer als eerste
Meer berichten

Shopbox