Logo twentsvolksblad.nl


Foto: Fenny Martens

Kwakkelweenter

  Column

(door Fenny Martens-Berends)

Echen weenter he-w noe niet ehad
Hee kwakkeln aaltied zomar deur
Mangs snee en ok nog gladde weagn
Het blif noe vake daegeliks reagn
Al krig de natuur noe a wat kleur.

De hazelaar hef a snotterbeln
Ok elsenknoppe siert de beume
sneeklokkies stoat en bleuit volop
De teuverhazelaar hef ne gelle kop
Heur bloesem is as ne dreume.

In 't veugelkassiej hek nieje buurn
Doar git vogels doar noe tekeer
Zee bint zo nerig met mekaar
Det prille ieverige veugelpaar
Zee hebt gin last van't natte weer.

Ik zat al in mien tuun te krabben
Het is net of het veurjoar miej röp
Biej miej begint de kriebels weer
goa'k met de harke mangs tekeer
het veurjoar hek in mien kop.

Wat verlang ik noa het zunnegiei
Mar of en too dan ziej um mangs
Biej oamd zingt ne gieteling erop lös
De mugn daanst boam het natte grös
Het veurjoar kump zogangs.

1 reactie
Meer berichten