Foto: Fenny
Gedicht

Dreugte

Het veurjoar begun arg dreuge
En reagnbuuin bleem mar vot
De boern besproeit heur akkers
Aans gung heur gewassen kepot

Noe ziej de sproeier zweien
Heur water ver in’t roond
Zo koomt noe de gewassen
Al breuiend uut de groond


Mar iets vedder op de akker
ziej völle blaagoies stoan
Van mais diej schöt umhoge
Umme aajt vedan tegoan.


Mais gef noe het laandschop
Zo’n heel aander gezicht
Verstop de boerderiejen
Ontneamt oons t’vergezicht


Mar toch ziej ok nog rogge
Al wiegend op de wind
Met koornbloom en kamile
En klapreusiej diej doar vindt


De zunne zindert an hemmel
ziej braand er doanig op lös
Maakt akker stoffig en dreuge
De netuur den hef zo’n dös.


Hoe kostbaar is oons water
Heel good veur moder netuur
Wiej mut er zuunig mee umgoan
Betuun wödt het op’n duur.

Fenny Martens-Berends

Meer berichten

Het lokale nieuws in uw mailbox ontvangen?

Aanmelden