Foto: Fenny
Gedicht

Weer noa schole

Wichter macht noe weer noa schole
O wat is det joonge volkie bliej
Alle daege achtern laptop thuus zitn
Det gaf mangs völle kibbeleriej.




Va of moder kwaam tussen beide
De onenigheid wödden opelost
Al diej spanning met diej corona
Det hef wea völle inspaning ekost




Ok de wichter missen heur vriendjes
Ziej verveeln zik mangs een bult
Er is gin sport en ok gin gymles
Ziej verleurn zo heur gedult.




Ok de oalders bint weer tevreanne
As ziejde wichter noa schole hebt ebracht
Ziej mag biej schole niet bliem proatn
Er wödt an anderhalve meter edacht.




De onderwiezers en de jufrouws
Bint ok bliede det de schole begint
Digitaal heul ziej wel contact nog
Mar missen de gezichgies van elk kind.




Wichter mut op schole noe heur best doen
Goeie ciefers haaln veur’t schoolrapport
Hebt deur den coronavirus wat in te halen
Ziej kwam thuus mangs wea wat tekort.

Fenny Martens -Berends

Meer berichten

Het lokale nieuws in uw mailbox ontvangen?

Aanmelden