Foto: Fenny
Annemieke Kirch

Dodenherdenking

De herdenking op de Dam was noe zo aanders
Het koninklijke gezelschap zagn iej allenig goan
Wat doeven diej het plein helemoal beheerden
Gin meanse zag iej achter de hekken stoan.

Het Taptoe wödden doarnoa an ebloazen
Umme ach uur veul de twee minuutn stilte in
Doarnoa klunk plechtige hetWilhelmus
Neegn kraansen met het rood wit blauwe lint

De Koning hef oons doarnoa toe-esprökken
Van zeen toespröak doarvan kreeg ik kipnvel
Hee zea” niet normaal maakn ,wat niet normaal is”
Oonze democratie diej zet wiej niet op spel.

Doarnoa he’w buutn noa de hemmel ekeek
En zaagn veer vleegtuugn oaver Nijverdal goan
Van Egmond vintage wings met veer machines
Wiej zwein noa heur en bleem eam buutn stoan.

Den oamd zaagn wiej op tv de oorlogsbeeldn
Van oonze bevrieders in diej oorlogstied
Met het verlies van zovölle meanseleavens
In tied van honger, onrecht en verdriet.

In disse tied met noe det Coronavirus
Kump det oorlogs geveul een bettiej weer
Hoe meansen oondergedook in huus zaatn
Ginne vriejheid um tegoan en gin verweer.

Fenny Martens-Berends

Meer berichten