Foto: Fenny
Gedicht

Löp we lös

Noa meka ummekiekn is wat de Koning zee

Det virus brech volle eenzaamheid mee

Al gif het oons leem we wat minder kleur

Zo hoal wiej het coronavirus buutn de deur

Ok haande bliem wassen wat ik noe doe

Mar het coronavierus grip rap umme zik toe

Doktoorn en zusters komp haande tekot

Patiënten mut mangs uut heur zeekhuus vot

Weenkels hebt noe lööge schap’n ekreegn

umme Wc-papier zat ieder um veleegn

De meansheid hamstert wa’j noe oaveral ziet

Wiej leafd noe in een biejzundern tied

Mar ok de stoete diej is rap uutvekocht

De klaanten git noe op plundertocht

Heur deepvrieskiste mut hemoa vol.

Deur dit coronavirus liekt de leu we dol

Völle meansen bint thuus an’t wark egoan

Digitaal wödt noe heur wark doar noe edoan

Op de digitale snelweg is't noe bassens drök

Met oons computertiedpark he’w noe we geluk.

Det coronavirus det de weareld oaver giet

Könt zaakleu noe heure spöln niet kwiet

En kappers diej’t gin permenentje meer legt

De sportweareld diej gin vertier meer brecht

Ok wichter diej noe niet noa schole goat

Doarmee weet de oalders zik mangs gin road

Digitaal hoald ziej met de schole contact

Het coronavirus wödt doar good an epakt

Ok mien huus hek noe merakels schoon

Ummedet ik ok aans niks hebt te doon

Ik hoppe det coronavirus op zeen eande schöt

En het veurjoars weer wat better wödt.

Fenny Martens-Berends

Meer berichten

Het lokale nieuws in uw mailbox ontvangen?

Aanmelden