Foto: Fenny
Gedicht

Bange veur diern

Fenny Martens Berends

Ik bin arg bange veur ne spinne

Mar ok veur zo’n vlögge moes

Ne hoond doar bin ik angstig veur

En roop dan meestieds koest

Ok vogels raak ik vast niet an

En spinnen diej vangt mien man

Dan dreait biej mien de mage deur

Ik bin zo oaveral bange veur

tÍs niet det ik er hevig oonder lie

Mar ik heb zo wel een fobie.

Toch ette ik merakel geerne vleis

Wat miej toch mangs we begroot

Ik ette ne haring met wat uitjes

Of ne lekkern gebroadn kipnpoot

Ok een paling glit biej miej noa binn

An lekkerbekkies hek vake zin

Bin gek op’n biefstuk en karbonade

Ok ne vassen wos en runderrolade

En biej de slager nem ik woensdag gehak

Woar ik dan lekkere baln van bak.

Völle diern goat biej mien mage deur

Ok al bin’k er toch vake bange veur

Iej leu hebt a lange noe begrepn

Het vleis is biej miej niet an te slepn.

Meer berichten