Foto:
Gedicht

Coronavirus

Mangs dan löt het niejs mie schrikken

Wat oons noe wear te wachen steet

Met det gevoarlike coronavirus

En hoo het met oons gezondheid geet.

Vleermoesen dreagn det coronavirus

Chinezen diej det as delicatesse et

Det virus was op de markt in Wuhan

Doardeur bint völle meansen besmet.

In China stampt ziej in tien daege

Nen ziekhuus doar uut de groond

En ok zaagn wiej völle Chinezen

Oalmoal met kappies veur de moond.

Zieken doar wödden ofgezönderd

moggen uut heur umgeaving neet vot

biej ne ieder num ziej de temperatuur op

Zo raakn det China helemoal op slot.

Het coronavirus gun oawer de weareld

Mar het argste det veur oons is

Er is nog gin medicien ondekt noe

Doarumme git het vake hemoa mis.

Noe heerst er angst bin oons Europa

Ok de beursen bint al edaald

En biej Exen bint lööge schappen

Wiej bint het diej de rekkene betaald.

Oonze haande mut wiej good wassen

A’w meka ne haande hebt egeem

Goai op visite biej de familie

Mag iej neet meer drie kussies geem.

Noe zet det dodelike coronavirus

Heel oons leaven op de kop

Angst det wödt oons an eproaten

Wanneer hoald ziej doarmee op.

Fenny Martens Berends

Meer berichten

Het lokale nieuws in uw mailbox ontvangen?

Aanmelden