Foto:
Gedicht

Oaveral water

De Regge is an het meandern

Biej nen hoog’n waterstaand

De Deenkel en de Vecht

Diej kroept noe ok an laand.

Het reagent alle daege

En doarbiej nen hädde wind

Löp ‘t water oavern zien boezem

Woar de boern neet bliej mee bint.

De akkers stoat vol water

Ne boer kan doar niks begin

De koein blieft in de stal noe

Ziej könt de weide niet in.

Het stoomgemaal in Lemmer

Warkt al op völle kracht

In de noordelike Provincies

Grept water ok zeen macht.

Ziej vecht teagn het water

Veur elken meter groond

Met stuwn en watermöllen

Diej dreait het water roond.

De diekn diej bint drassig

Ziej brekt nog net niet deur

De meansen leagt van aarmood

Mar zaandzäkke veurde deur.

Mar machtig is det water

Natuur den git zien gaank

Zet de weiden en de akkers

Noe helemoale blaank.

Fenny Martens-Berends

Meer berichten

Het lokale nieuws in uw mailbox ontvangen?

Aanmelden