Foto: Fenny
Gedicht

Harmonicadag

In Heldern was biej Noabers Harmonicadag.

Doar wödn oalde leedties ter geheure ebrach

Uut de wiede umgeaving zo oaveral vandan

kwaam de leu oalemoal noa det Heldern opban.

De harmonica spöllers han ne ofwisselnd repetoir

In't Geurnhuuzie ko'j ok zingen met mekaar

Een Schlagerkoor uut Duutslaand "Spass musse sein"

Zung doar bekende schlagers "von guten wein.

Het was dizzen zundag niet arg biezunder weer

Mar iej kwam deurn trekzakmuziek we in de sfeer

Steirische harmonica's mer Oostenriekse muziek

Kreegn biejval en applaus van luusternd plubliek.

Zo zaatn wiej achter de koffie en het gebak

Gemodelik en mooi dreuge op oons gemak

Het Edelweiss klünk doar de Koostroate in

Muziek en gezelligheid det ko'j in Heldern vin.

De Harmonicadage wödt joarliks georganiseert

Det is veur heur dorp ok ech niet vekeerd

De Helderse Harmonicadag besteed a völle joarn

Een stukkiej traditie metn Heldersen folkloarn

Meer berichten