Foto:
Gedicht

Gagelmansvennetje

Het vennetje in't Doktersbos

Met ziene vennepluzen

Het water is as teer zo zwat

De turf is vot het blif nen gat

Woar de libelles huuzen.

Doar tusken de beume lig hee doar

Det oale stuk moeras

De waln bemost woar varens stoat

A'j laanks de raand van 't vennetje goat

Zeen paegies bint uutehold en dras.

Wat barken stoat doar biej meka

Zee speegelt zik in't venne

Heur veute op het drassig mos

Het lik as komt zee van de aerde los

Stoat wankel op de bene.

Ok mennig keend hef vrogger doar

De schkaatsn oonder ebeunn

Het vennetje brach zeen verteer

Heeln midaegn ha'j doar dan plezeer

Hef nen ieder doar oondervunn.

Ok in oonze jeugdjoarn waarn wiej doar

Biej het vennetje in't Doktersbos

Op'n baankie an nen venneraand

Smeedn wiej met meka nen leefdesbaand.

Iej vriejn doar mar op lös.

Det vennetje in 't Dokters bos

Het ligt doar nog zo vertrouwd

Mar det mooiee stukkiej natuur

Det mut wea bliem ok op den duur

Doar mag nooit wödden ebouwd.

Fenny Martens Berends

Meer berichten