Foto: Foto:
Gedicht

Oaldjoarsdag

Op oaldjoarsdag zaatn wiej in n' Oalen Griezen
Nen lessen dag van 't joar, woln wiej nog goan

De vente in de Dorpstroate knapn met rotjes

Ne Dominee ziene prekke ko'j hoast niet vestoan

In Heldersen Es doar waan ziej ok an't knapm

De melkbussen steun doar in't gelid

Metn voetbal erop, inplaatse van deksel

Heuln ziej de braande lappe biej het carbid.

Het hele dorp det dreunen det het davern

Want disse traditie heurt biej't oaldejoar

En ok de ölliebollen waan allange ebakn

Of iej han zevan lorkeers, mar dan kaant en kloar

Den aomd ko-j meujste vuurwark bewoondern

Gekleurde baln scheern deur de löch

Wiej steun as buurn noan hemmel te kieken

' t Was zo veurbiej wat gung det aaltied vlög

Mar vedan is t' 's oamd we röstig ebleem in Heldern

Wiej as noabers weansen mekae ne heel good jaor

Wiej dreunk saam iets starks uutn glaasiej
Leagn teeng moantied pas op't ene oor.

Wiej weet niet wat het nieje joar oonszal brengn?

De tied zal het leern wiej kunt doar mar noa roan

Mar wiej hopt dat er völle vreade is tussen meansen

Det geleuf in de toekomst, doar mut wiej veur goan.

Meer berichten