Foto: Foto:
Gedicht

Armoed lien

Vandaege an dag is ter völle armoed

Al he-w det vake zölf neet deur

Mar de voetselbaank riest de pan uut

Diej stelt diej meansen niet teleur.

De leu hebt vake hulpsanering

En de armoed kik umme de deur

Doar mut de politiek noe wat an doene

Diej bekent ok vake ginne kleur

Meansen raakt noe vake heur huze kwiet

Deur nen scheiding of ziej hebt gin wark

Noew bint er ok a 8500 keender dakloos

Het leam det wodt veur heur beparkt

Wil iej tingzwoardig een huus koopn

Is det veur völle meansen niet weg eleg

Ok de huurn diej bint onmeundig hoge

Mennigene hef doardeur dikke pech.

Project ontwikkelaarsen hebt tingzwoardig

Met heur geld hemoa veurt zeng

Mar de politiek hef met heur marktwarking

Noew an oons wel wat uut te leng .

Völle jeugd hef völle studieschulden

En de warkeloosheid nemt mar too

Zee mut ok noe ne stappiej trugge doene

Ne grootn zörg veur va en moo.

Aj oald bint muj het het zeker bezuurn

Noe de zörg dan onbetaalbaar wödt

De politiek is doarveur wea verantwoardelik

Diej' doar noe noa umme kiekn mut.

Rutten zea"wiej hebt economisch zo good noe"

Het geld det klots teegn de pleenten an

Mar volle meansen hebt de knippe loog

Dan mut ziej noe mar noa'n Haag opban.

Fenny Martens

Meer berichten