Gedicht

Gedicht Fenny Martens-Berends: Boern protest

Foto: Fenny

De boern hebt kottens Den Haag saam an edoan
Met trekkers bint ziej zo snelweg op egoan
Deur het stikstof beleid wödn ziej arg achteruut esteld
Doarum gung ziej met meka massaal noa't Malieveld.

Vekeer in Nederlaand det wödn we wat vestoord
De trekkers reedn breedvoerig op de snelweg voort
As boer num ziej het stikstofbeleid heel serieus
Blief van oons bestoan of, det was veur heur de leus.

Het git noe oalemaol umme det stiksto en het Co 2
Temet raakt oons det oalemoal in de portemonnee
Noa de boeren waan de bouwvakkers an de beurt
De bouw hef het klimaat ok helemoal besmeurd.

De leu uutn bouw bint ook noa het Malieveld egoan
Waant de bouwsector mut niet stille bliem stoan
De woningnood kump dan zogaangs in't zicht
As al den nieuwbouw temet dan stille ligt.

Oonze welvaar stiet dan hemoa op de tocht
Klimaat is mooi, mar het is we te verre ezocht
Hebt Remkes en Jesse Klaver het noe veur het zeng?
De politiek in Den Haag hef noew wat uut te leng.

As ne legpuzzel wödt temet Nederlaand uut elegt
Het boernlaand kump hemoale niet tot zien recht
Oondertussen bint wiej völle puzzelstukkies kwiet
En niemand begrip de politiek in Haag noe niet.En Europees bint wiej het beste jochie van de klas


Ok financieel zeg Rutten haal wiej alles uut de kas
Niet iedereen dut in disse maatschappiej nog met
Met völle ontevreane meansen is'n Haag dan noe an zet.

Meer berichten