Foto: Fenny
Gedicht

Riebewies verleng

Aj tingszwoardig oe riebewies mut verleng
Git det bassent lange duurn det muk we zeng
Biej CBR doar is'n grootn puunhoop ontstoan
Ziej loat völle meansen in de koalte stoan


Masaal wacht ziej a moanden op heur riebewiezen
Doarmet valt het CBR noew niet in de priezen
Meansen bint zoonder riebewies helemoal oonthaand
Kom politiek in Haag, help diej leu is uutn braand.

En mennigene is al lange helemoal good ekeurd
Ziej belt en mailt umdet ziej van't CBR niks heurt
Ziej mut met oopnbaarvervoer of'n taxi goan.
Heur auto blif doardeur noew in de garage stoan

Wiej hebt de leste tied ok zo volle regeltjes ekreegn
Doar zitte wiej as klootjes volk we met verleegn
Det gif ok volle argenissen en mangs vedreet
Wiej begriept det ambtelike getreuzel dan ok niet.

Ik wache ok aln ne tied op mien riebewies mar ondaanks
Riei ik noew stiekem achter de beume laanks
En oongelukn hek mien leam nog nooit ehad
Det akelige CBR det hef op mien gin vat.

Meer berichten