Foto: Fenny
Gedicht

Wödt harfst

De harfstkleurn zol ik wil'n koestern
Zeen kleurn gift miej ne bliej geveul
De zommer git oons weer verloatn
Ok ekkels ligt a laanks de stroatn
In de barmen ziej de paddesteul.

De harfst is as een scheeldersdook
Met zeen laandschop boont ekleurd
Van broons noa rood en gel en gold
Oonder een löch zo strak en koald
Woar wiej de gaanzen heurt

Zien palet van rood en gelle kleurn
Legt laandschop in ne aander licht
De geurn van harfst diej ko'j a roekn
Een nat daamp lig oawer de stroekn
De nevel beneamd oe mangs het zicht

Laanks de vensters hangt de spinnedroaie
De spin spant heur rag in dichen mist
Heur web det dreag noew glitterkraaln
Mar de spinne blif niet langer draaln
De muggen ontkoomt niet an heur list.

Noa'n zömmer ko'j noa trugge velang
Met det zo angename weer
De zunnewaarmte op oe gezicht
Oe koestern in zien waarme licht
Mar n' harfst den brech de ummekeer.

Meer berichten