Foto: Fenny

Veurt eerste telefoon

Opn Jipkesbelt han wiej as eerste een telefoon
Wiej mossen wea wennen an de hadde toon
Iej kön um oaveral in huus heel good heurn.
Det was veur oons ne biejzunder gebeurn

Har oonze buurman mangs ne tochtige koe
Kreegn wiej van zeen pestvoerbokse ne luchie toe
Meestieds as hee dan kwam telefoneern
Dan ko'j van staank oe hoast niet verkeern.

Was der ziekte biej oons opn Jipkesbelt
Dan har moder umslieks ne huusdokter ebeld
Mien moder dan leaven dan merakel met
Ziej har dan a rap ne kanne koffie ezet.

As Jan van notaris Dieks biej oons bellen mös
Dan schreeuwn hee er knoerhard erop lös
Hee dacht ik komme van wiedt en veer.
Wiej han doardeur ok völle plezeer.

Met oons mobieltje noe in disse tied
Koj toch völle meer wa'j noe dan ziet
Wiej app't en mailt en fotografeert
Diej oale telefoon is noe niks meer weerd.

Meer berichten