Foto: Fenny

Volkstuun Jipkesbelt

In de volks tuunjes op de Jipkesbelt
Doar hef mennigene plezeer
Ziej wroetn doarin het zwatte zaand
Kump völle greunte van heur laand
En doarbiej gin keunsmest meer

Ziej vebouwd doar kool en rooie bietjes
Ok beuntje en grote kroppen sloat
Peerse aubergines en ok paprika's
Pompoen en mooie dalia's
Diej zo tussen de greunte's doar stoat

Mangs is er een stried teegn het onkruud
Veural as ziej ne reagenbuie hebt ehad
Mar ok vanlessen met'n harde storm
De schaa diej was toe ech enorm
Mar met meka han ziej't zo weer glad.

En biej al det ieverige tuunieren
Wödt ok nog an't klimaat edacht
De biejnkorven diej tussen de greunte stoat
Maakt nerige biej'n heur honnig roat
Det hef potjes honnig doar op ebracht.

En tussen al diej veschilnde greunte's
Bleujt diej blomen welig op heur laand
De joarlikse Tuundeagn opn Jipkesbelt
Dan muj kom kiekn iej stoat vesteld
Dan git doar alns vlot van de haand

Meer berichten