Foto: Fenny

An de Regge

Ik vaarn metn zomp oaver de Regge
Zag doar ne oale boern stee
Het dak det har ne grieze kop
Het reet met tossens mos erop
Gung zo a joaren laank mee.

Hee stun doar biej de Reggekaant
Zeen muur verweerd en an etast
De veansters hung skeef in het slot
Het boamraampie was ok a kepot
Doarin zat ne grootn bast

An de wasliene noast de boerenstee
Wei'n de wasse op de weend
Wat luiers en wat oondergood
Ne riege sökken van klean tot groot
Doar oonder spöln ne keend

Iets vedder keek heur moder too
Het keend plukn blomen uutn hof
Mar de moder heul ne eugie in't zeil
Want het keend vleug doar as ne pijl
Zo op het water of.

Ik vaarn doar laanks de boerderie
En zweien doar noa het wicht
Ziej deu ne stappie noa''n waterkaan
Mar moder greep heur biej de haand
Wat was det ne biejzunder gezicht.

Meer berichten