Foto: Fenny

Historie Nijverdal

In De Smidse an het Hoge Diekie
Ko'j ziene hoo het vrogger was
Doar wödt een mooie expositie egeem
Zo ik kötttens in heure folder las.

Er is de leste tied zovölle veraanderd
Oons dorp ken iej noe ech niet meer
An Riessensestroat ha'j vrogger de Pick Pack
Doar har femilie Piksen het beheer.

Biej annemmer Geritsen in ziene warkplaats
Doar köj dageliks de zaagmechene heurn
Ziej wan zo drök in tied noa'n oorlog
Met maakn van keziens ,rame en deurn.

Ok Bendien Smits met ziene confectie
Zaatn vroaleu achter de neaimechien
An de lopende baand de mouwn in zetn
Doar köj in diej dage good vedien

Nijverdal har toe ok zovölle schooln
De klassen waan onmeundig groot
De meisters en ok de juffrouws
Wan met meka nen duuzendpoot

As wichter gung iej saam op de foto
Iej keek bedeankelik noa de fotograaf
In De Smidse ko'j de klassefoto's nog ziene
Wat keekn wichter doar toch braaf.

Nijverdal heetn vrogger Noetsele
Was toch zo'n aandere ne biejzundere tied
De boerderiej bint doar vedween
Allenig op ne foto's wa'j noe nog ziet

Komt oaleamoa kiekn biej De Smidse
Noa de exposite of ne good verhaal
Hoo Nijverdal veraandern in al diej joarn
Oons dorp is in disse tied ok heel speciaal.

Meer berichten