Foto: Fenny

He'j mos goan

Mien oalen knoestigen appelboom
Opeens was't met oew gebeurd
Elk veurjoar ha-j ne bloesempracht
En völle appels he-j oons ebracht
Oe blaaje wan opeens vekleurd

Iej wan deurn schimmel an etast
Oe blaai wan um ekruld en grof
Oen kruun hung treurig op de wind
Iej bint noe één en al gespind
En al oe blaaie veuln toe of.

Iej gafn oons scha biej't waarme weer
Biej storm gung iej mangs tekeer
Mar aaltied stun iej toch mar doar
Wel meenstens vief en veertig joar.
Mar now lig iej in't gros doar neer

Biej oamd he'w noe een biejzundere löcht
mangs van peers now roserood ekleurt
Toe iej doar veur het raam nog stun
Zaagn wiej gin oondergoande zun
Mar det hef oons ok niet esteurt.

Ok he'w in hoes noe lichter ekreegn
Mar het lik noe ok arg kaal
Iej gaam oons hoes ne apatn sfeer
Ok appelmoes det krieg wiej niet meer
Dee zeekte diej wödn oe fataal.

Meer berichten