Foto: Fenny

Kaalslag

Gung kottens eam fietsend op de Sprengebarg
Mar den kaalslag wak zag det vun ik heel arg
Dikke beume met ne gezoonde broene bast
Leagn doar laanks het bospad heuge op-etast.

Op't bosperceel zagn iej ginne boom mear stoan
Veurn netuur mossen ziej oalemoal dale goan
Heide kump doar det anslötn op't akkerlaand
Woar heb diej natuurorganisaties toch heur vestaand.

Een boom neamt völle Co2 oet de luch
En gezoonde zuurstof krie'w doarveur terug
Ziej kap'n veur het korhoen en de hagedis
Mar Netuurmonumenten hef het helemoal mis.

Diej leu achter de teekntoafel diej trekt heur plan
Det boomkapn har heur hemoa in de ban
En oalemoal achter t bureau doar uut-edacht
Det hef de netuur in barg n'bult ellende ebracht.

Het ruusen van dennen is doar noe gebeurd
En ok ziene kruun diej de horizon kleurt
Zien denappels diej ligt noe veur de groond
Iej aodem zien lucht in , det was zo gezoond.

Ik hoppe det Netuurmonument doarvan hef eleerd
Waant eerst oaverleng det is niet vekeerd
As ne boom is ekapt dan ligge doar koald
Dan is hee allennig mar geschikt as kachelholt.

Meer berichten