Foto: Foto:

Vakaansiej

In oonze vekaansiej wa'k op Rügen
Een eilaand an de Oostzeekust
Het lig in de veurmalige DDR
Vanuut oons Nederlaand nog a ver
Mar wiej vun doar wea de rust.

As ik laanks straand doar kuiern gung
Dan zöchn ik noa barnsteen uut zee
Mar meestied lea'n doarn gewone steen
Den dan in mien zakke verdween
En doarnoa stiekem in de camper dee.

Mien man is niet gek op diej stene
Det zeai det is veurn mien camper slech
Hee zakt temet deur zien assen
Det git oons oonderweg verrasssen
Dan kriege wiej dikke pech.

Mar stiekum hek as hee niet keek
Weern steen in de camper edoan
Zo gung ik elkn oamd laanks zee
En num zo völle stene mee
Bint doarmet noa huus opb an egoan.

En noe lig dan biej miej in hof
Mooie stene zo oaveral vandan
Uut Frankriek en ok Oostenriek
En ik veul miej doarmet toch zo riek
Het is ginne hobby van mien man

Meer berichten