Foto: Fenny

De doevenmelker

As op zoaterdag zeen doeven an terugreize begun
Stun hee metn voerbakkiej biej t'hok te schun
Hee fluitn en hee lokn zeen doeven noa het hok
En drökn dan rap op zien doevenklok.

Zo gung det biej um elkn zoaterdag mar wear
Hee gung teegn oons as buurn mangs arg tekear
Wiej mochn zeen doeven absoluut niet steurn
Hee was dan arg kwoad as hee oons ok heurn

Hij leup biej t,hok, en keek woar zee bleam
Wat har hee zoaterdaegs een oonröstig leam
En waan zeen doeven op tied dan wear bin
Dan was oonze buurman heel good biej zin.

Zien doeven hebt veur mooie prieze evleugn
Want ziej han een merakel good geheugn
Vun aaltied de weg noa heur hok wear trugge
Ok al han zee gin tomtom boam op de rugge.

Wödden ziene doeven te oald en vleugn niet good
Dan was zo'n doeve warkelik een blood
Hee maakn um dood of hee mossen dan vot
En zo belaand ziej mangs biej um op zien böt

Zo,n ieverigen doeve har veur um of edoan
En zeai der wat van ,harre de kop verkeerd stoan
Hee was eageaardig man en kot veur de brook
Wat hee met zeen doeven deu ,det vun ik niet klook.

Meer berichten