Foto: Fenny

Onweersbuuin

Wiej hebt noe tropisch temperatuurn
Mien tuun den ligt er dreuge biej
Biej oamd dan gif ik miene blomen water
Mar het is zo wier vot zo ak we ziej.

Vanmiddag wödn het als mar duuster
De löch diej schoern en't sputtern wat
Het onweer rommeln in de varte
Mar völle onweer he'w niet e had.

Vrogger mos wiej as wichter stille wenne
Waant de veugelties bint ok stille zea moo
As wichter maakn ziej oe zo we bange
Biej't löchen heul ik stief mien oogn too.

Moo had op heur schoot mien kleine zussiej
Va heul de belangrieke papiern biej zich
Ok mossen wiej oalemoal uut berre
Sloapdroonken zaatn wiej doar as wich.

Moo zea 't onweer blif achtern barg hangn
Ziej gung mangs teln noa elkn doonderslag
een nach hebt wiej het berre niet eziene
Drie boerderiejn braan of den nach

Vandage an dag denke wiej zo aanders
Gevoar blif veur oons meansen noe ok groot
Waant de netuur is meesttieds grillig
Elk joar wödt meansen deurn bliksem edood.

Tingzwoardig kiekt wiej op op de buuienradar
Wiej weet precies wat vonne weer in antocht is
En ok al diej weerman op radio en televisie
Hebt met heur weerproatje mangs we mis.

Meer berichten