Foto: Fenny

Oavendveerdaagse

Leste tied wödn ik wat kilo's zwoarder
Doar mos ik toch mar wat an doen
Hek miej toe ne sportbokse koch
Met doarbiej ok ne pa waandelschoen.

Ik wol de oavondverdaagse loop'n
Ok al ha'w gin wisselvallig weer
Mar ik gung mar tien k.m. waandeln
Det is veur miej nog niet zo veer.

In boonte stoet gung wiej laanks de Regge
De schoolwichter han vake grote lol
Saam zo waandeln met heur klasse
Heuln ziej het met meka wel vol

Zo gung wiej oaver Jipkesbelt deur Hulsen
En wiej kuiern de Kruudnwieke deur
Ok oaver de Sallaandse Heuvelrug
De netuur gaf zien biejzundere geur

Nijverdalse ondernemmers leut zik heurn
Ziej sponsern met meka dit evenement
Met völle sneuperiej dreenk en ijsco's
Zo wödn wiej as waandelaars verwend.

'sOams hak dikke enkels en zere hakke
Det is wa'j van det waandeln kreen
Alle oamde met de veute in bak water
Oh wat hak mangs zere teen.

Lessen oamd gung wiej met mekare
Met'n muziekkorps deur Nijverdal
Kreegn een bos bloom en ne medialle
Van't plubliek kreegn wiej doar biejval

En noa ofloop bink diej aomd nog evven
Op mien weagschoale goan stoan
Gelukkig gaf den noe wat meender kilo's
Wat wak bliede dak har met edoan.

Meer berichten