Foto: Fenny

Monniksgier

Joarn hef het korhoen de andacht ekreegn
Hef op de Heuvelrug gin veurspoed egeem
Haantjes wödn ehaaln uut het verre Zweden
Mar een noageslacht kwam er niet opheden
Alle meujte en geld is doar an besteed
Det plan is mis egoan zo a'w noe weet

Noe he'w de monniksgier uut zuudelike streekn
Den is noa oonze umgeaving uut eweekn
Biej verrasing is hee in Heldern neer edaald
Den vogel was misschien doar wat verdwaald?
Hee leek op'n monnik met zien kalen kop
Met zien ruuge veern en zien blootn krop

De moniksgier wödn deur leafhabbers e spot
Ziej kwam noa Heldern wan oalemoal verzot
Ziej zaagn um roondvliegn in zien mooie vlucht
Breed en groot scheern hee deur de lucht
Diej leu waan met meka zo dol enthousiast
Met heur camera's leagn ziej de beeldn vast.

De netuur diej liekt noe toch helemoal van slag
Deur't klimaat hef zo'n vogel ne aander gedrag
Op de Regge zag ik kottens schildpadden goan
En in't Wiernseveld ok al ne pa nijlgaanzen stoan.
Ok wolven diej 't noe heur asiel biej oons neamt
De tookoomst zalt uutwiezen het lik miej we vreamd.

Meer berichten