Foto: Fenny

't Hoge Diekiej

Ik woon an het Hoge Diekiej
Oons huus det hef we wat
Het is arg heuge en deftig
En kamers heffe zat.

Het huus det hef de leaftied ok
Hoonderd en teenjoar trugge ebouwd
De muurn diej bint we wat veweerd
Mar ik woon hier zo vetrouwd

Noe krieg wiej nieje buurn noast oons
In een merakel heuge ebouwd
Temet kiekt ziej miej achter't huus
Det maakt miej we benauwd

Vrogger stun doar de oale karke
Mar den is doarnoa arg verpest
Zien toorntjes mossen oalemoal vot
Wat bleef det was niet best

Ok leave wiej in historische stroate
In huuze met ne speksteen raand
Doar woon wiej gemoedelik met meka
Dichte an de Regge kaant.

An 't Hoge Diekie doar begun textiel
Doar leaj Nijverdal ne bettiej heuge
In De Brake was't vake wateroverlast
Mar biej oons heuln wiej het dreuge

De Smidse en het Hoge Diekiej
Hef Nijverdal zien anzien egeem
Wiej mut noe met det heuge gebouw
As bewoners mar vedder leem

Met de appartementen noast oons noe
Git oons woongenot we kepot
De historische sfeer in oonze stroat
Det git doardeur we vot.

Meer berichten