Foto: Fenny

Benzinepries

As wiej biej de benzinepompe goat tanken
Dan doot wiej um noe niet meer zo vol
Wiej pakt tingzwoardig ok völle de fietse
Want wödt oons noe wean bettiej te dol.

Det auto riedn wödt alns mar duurder
Noe met diej hoge benzine pries
De regering neamt ok tevölle accijnzen
Ziej brengt de economiej zo van de wies.

Ziej wilt oons met openbaarvevoer loatn reizen
Mar de trein diej loopt niet aajt optied
Dan ligt an de blaagies of bevreurn wissels
Met ProRail koom iej dan nit zo wiedt.

Ok heb wiej noe tevölle treinvervoerders
Met det de privatiseern git het niet fijn
as de conducteur um oe kaatiej kump vröggen
Dan zit iej mangs in'n vekeerde trein.

Het wödt oons meulijk emaakt tingzwoardig
Wat minder accijnzen zöl ok wea goan
Het oopnbaarvervoer gauw niet gebroekn
Want de auto loate wiej toch niet stoan.

In tookomst zölt wiej elektrisch goan riedn
Dan mag iej zo as Amsterdam niet mear koom
Wiej bint ofhaankelik van den loadpoal
Dan zit wiej oalemoal an den stroom.

Hoo zöl det goan op oonze vekaansiej
Zöln in Fraankriek ok wea loatploaln stoan?
As wiej an de Rue nargens gin poal könt vin
Dan hef oonze vekaansie doar of edoan.

Meer berichten