Foto: Fenny

Poasgebroekn

Heldern har ok weer zien roondgaank
Palmpoasenoptoch zetn dorp op'n kop
Eschländerkapel en ok de boerndaansers
Mar Klepper-Derk leup as aaltied veurop.

Wichter gung met heur vesiern palmpoasen
Het rad met buxses gruun vesiert
Met doarop nen gebakn zwaantje
Suukereigies doarumme in laange sliert.

Ok hef Heldern van't joar zien poasvuur
De boake stiet an de Regge kaant
Joop Nijenhuis ne kunnigen uut Heldern
Stekt dit joar de boake in braand.

Ok biejzunder is siepelstad Oatmarsum
Doar goat poaskearls de stad wear duur
Vlöggeln en zingend deur de stroaten
In heur reagnjasse in ne beige kluur

Kottens zag ik zwoare belaadn trekkers
Met völle beume en takke gruun
Ik dach det is ja mooi veurt poasvuur
Holt is in disse tied niet arg betuun.

Ok in de gemeente Riessen-Holtn
Stried de buurtschopn teegn mekaor
Sleppen met holt veur de heugste boake
De wisselbeker steet doar a kloar.

De poas boake is nen oale traditie
Det gebroek mut we vedan bliem goan
Det temet ok de volgende generaties
Met heur wichter biej de boake könt stoan.

Meer berichten