Foto: Fenny

De boer op

De Agrarische excursie wödn elk joar wear good bezöcht
Met achendartig vrouwn waan wiej vanuut Heldern a vrog
Vrouwleu uut Giethoorn han de organisatie edoan
Zo bint wiej met Vrouwen van Nu op excursie egoan

Vanuut Heldern met de auto's reedn wiej achter mekaor
Het zunnegie erbiej de dag was veur oons kloar
Biej ankoomst dreunk wiej koffie en krentweggge erbiej
Wiej waan nog wat duf zo kwam wiej wear biej

Vandoar met de busse biej nen wienboer ekek
Wiej zaagn de raankn hang laanks stoaln rekn
Mar toch ko'j ok zien det de knoppe begun
In noazommer hangt de riepe droem in de zun

De wienboer leai uut hoo de wien wödden emaakt
Hoe de wien in roestvriejestoaln vaatn an't gissen geraakt
Hee har in zien kelder völle wienflessen doar stoan
Wiej mochen eam pruum en met ne flesse vot goan

Noadien kwam wiej met de busse biej nen zörgboerderiei.
Wiej reedn laanks het water met reetlaand doarbiei
Den boer har ne theeschenkeriej en zien zorgtaakn veural
Har oaveral doar koppies stoan wat stun det toch mal.

Noaderhaand gung wiej noa Giethoorn het etn stun kloar
Nen zaal vol met vrouwleu ziej preutn deur mekoar
De soep preuven lekker en de stoete smaakn oons good
Noa zo'n lange rit in de busse was de trek too wea groot

Vandoar gung wiej met de boot het Giethoorn deur vaarn
Wiej zaagn völle Chinezen diej bleem noa oons staarn
Ok heb wiej nen traditionele punterwarf doar bezöch
Veur de punterbouw is de tookoomst gin animo genoch.

Vedan met de boot noa het Ole Maathuus museem
Doar zag iei hoe meansen in Giethoorn vrogger leem
De pronkkamer met tegels de bedstede en't kabinet
Zo is de boerderiei Maathuus van de slopershamer ered.

Zo'n dag saam de boer op, det dut oons vrouwen good
Vake met boern achtergroond ziej hoo het aander vake doot
De boer van tingswoardig git steeds wat aans prebeern
En wiej kön op den agrarischdag doar ok nog van leern.

Meer berichten