Foto: Foto:

Wolven

Ziej trökt biej oons zo oaver de greanzen
Num heur asiel en wan ok arg brutoal
Schoape en sikke bint veur heur niet veilig
Hee grip ze an en dood ziej oalemoal.

Van het netuurbeheer bint ziej arg welkom
Ok wolven ofschiet'n det mag noe niet
Het git temet as in de Oostvaarders plassen
Bint oalmoal wolven wa'j dan ziet

Ok schoapharders hebt noe heur bezwoaren
Woar git het hen mut alns temet in't gaas?
Op de grote stille heide ziej dan gin schoape
Mangs ne vedwaalde kniene of ne haas.

Oons stukkie netuur is op de weareld kaate
As ne postzegel vergeleekn biej het achterlaand
Biej oons doar woont ok tevölle meansen
Staats Bosbeheer gebroekt noe oe vestaand

Tot nog too bint er niet völle wolven ezeene
Allenig zeen droln diej lut hee oaveral ling
En met ne doamstok goat ziem det op metn
En legt ziej drol oonder ne microscopie's ding.

In Nijverdalsenbarg he'j det ecoduct doar liggen
Doar trekt de wolven temet noa oons opban
Dan zo'j doar zeen, ziej bint arg gek op kipn
De leste korhoonders goat er dan ok nog an.

Meer berichten