Foto: Foto:

Midweenterhoorn

Midweenterhoorn iej heurt biej oons in Tweante
Oen oale roop ko'j heurn laanks bos en heuvellaand
Oe sonore klaank kleenkt mangs weemodig
Det bloazen met meka det gef ne hechen baand.

Veer wekke ko-j oe heuren in de Adventstied
In kasnacht biej de geboorte van Het Keend
Op kasmaerkten en ok op oaldejoarsoavend
Tot an Dree Koningen as het nieje-joar begint.

In de oorlogdaege han wiej oe ok neudig
Iej waarschouwn as de vi-jand zik dan reurn
Mar ok as ne boer biej't kalven zik niet redn kön
Dan leut iej oen biejzundern klaank weer heurn.

Ok noe wödt de hoorn uut'n mooi stuk holt esneedn
En wödt as ne natn of ne dreug'n hoorn emaakt
Ok joongeleu bint bezig met disse oale traditie
Zo det dit oald gebroek mar niet veleur'n raakt.

Midweenterhoorn wiej wilt oe aajt behoalen
Doar is zovölle veraanderd noe in disse tied
Midweenterbloazen heurt biej oonzen volksaard
Det oald gebroek det wille wiej niet kwiet.

Meer berichten