Foto: Foto:

Van't gas of

As dochter van ne loodgieter
Weet ik nog good uut diej tied
Wiej kreegn toe oalemoal aardgas
En noadeel'n zaagn wiej niet.

In diej daege dreain Va oaveruurn
Het was ne golden tied
Met gas verwaarming in oe huus
Raakn iej de koalte kwiet.

Groot was de gasbel van Slochtern
Het gas gung noa het buutnlaand
Doar wan de leu völle veurdeliger uut
As wiejleu hier in oons eagen laand.

De NAM zet de gaskrane waagnwieds lös
En de staatskas wödden evuld
De hoog conjunctuur is toe begun
Wat was oonze regering verguld.

Mar toe bint de aardbeavingen begun
Op het Grönniger plattelaand
Hebt ziej de gaskrane wat too edreaid
Het aardgaswining gung niet van de haand.

Noe krieg wiej dure waarmtepompn
En zunnepanelen op oonze dak
En de Gröningers loat ziej mar stikn
Heur huze bint verrabbezakt

Ko'w noe eagelik we zoonder det aardgas?
Of slöt het milieu noe hemoa deur?
Het mut veur oons we betaalbaar bliem
En diej politieke regeltjes doar bink niet veur

Meer berichten