Foto: Foto:

Eigen Oogst

In het oale kettelhuus van de Smidse

Deed zo fraaie historische gebouw

Woar de Eigen Oogst weer plaats vun

Kump publiek elk joar weer trouw.

Burgemeister Raven ziej deu de opening

De expositie kwam toe weer op gang

In het kettelhuus laanks diej oale muurn

Doar kwam de amateurkunst weer tehang

Celtic Mist spöln dissen zundagmiddag

Zee brachen mooie Ierse folkmuziek

Det gif doar zukke mooie klaanken

Doar hangt nog de goeie akoestiek.

Verwoonderd keek ik doar den middag

Wat de meansen zoal han uut ebeeld

Heur creativiteit diej was biejzunder                                        

Kunst diej doar mien oogn streelt.

Ik zag Herman Brood ziej han um eschildert

Hee keek miej zo echt doar an

En Waylon van Eurovisie Songfestival

Vun ik ok wea ne schiere man.

Ok het quilt det was heel keunstig

Knap da'j toch zo könt borduurn

Mar ok het sniewark van mooi holt

En prachtige klei en broons figuurn.

Mar dier'n diej sprekt meansen an

Ne koebeest of ne mooie peerdekop

Of harten of heur eagen hoond

Mar ok ne grootn leeuwen kop.

Metn formulier en penne biej de haand

Umme miej laanks de kunst te begeem

Leup ik laanks al diej kunstige dingen

umme mien keuze doarnoa te geem.

Meer berichten