Logo twentsvolksblad.nl

Grotestroat krig ne facelift

Foto: Fenny Martens

door: Fenny Martens-Berends

Het Nijverdalse centrum det steet noe op de kop
De Grotestroate krig ne facelift en knapt ziej zo op
In't centrum wut het gruuner det is het grote plan
De sjofel en de trekkers diej ried nog of en an.

Temet ko'j in't centrum doar röstig weenkeln goan
Tussen gruuneborders ziej dan mooie baankies stoan
Ok water kump in't centrum een prachtige fontein
Diej ha'w ok in't veleedn op het Henry Dunantplein,

Het vekeer det zal wat ofneam det kan dan ok niet meer
Wiej hebt noe toch de tunnel veur't deurgoand verkeer
Wiej könt röstig weenkeln de fietsers ried oe niet van de been
Zo as ziej eertieds slingerend umme oe reedn.

Er löp water deur de borders een geul den wut ne bettie lang
Want biej ne goeie reagnbuuie könt diej het water opvang
Dan heb wiej ginne oaverlast as het klimaat wat aanders wut
En het past ok good biej Nijverdal net of de Regge det dut.

Nijverdal krig een echt winkelhart het zal antrekkelik wun
Gin löögstaand in het centrum zo as het in't veleedn gun.
Met tevreaden onderneamers diej dan good zaakn doot
Dan kump het met de löögstand gewis ok wea good.

reageer als eerste
Meer berichten


Shopbox