Logo twentsvolksblad.nl

Doarcas mode

Foto: Fenny

door Fenny Martens-Berends

Biej Dorcas oonder in de kelder
Zaatn wiej opn völle steule doar
De ladyspeaker diej zöl oons zeng
Wat de mode oons gung breng
De modeln diej stun a kloar

Jennie leup vlot de catwalk of
Parmantig dreain ziej rond
Ziej dreug ne biejzunder jasse
Het model det was echt klasse
Wat heur ok heel good stond.

Wat onzeker leup ok Rines doar
In zien gruune pantelon
Doarop har he'j ne veurdelig jack
Het stun um ok nog niet zo gek
En showen det he'j doar kon!

Gert dreug nen geblokt boezeroen
Het stun um merakel schier
Zien trui harre umme de nek esloan
Zo zagn wiej um oaver de catwalk goan
He'j leup doar met plezier.

Wat vrouwleu shown de lingerie
Ziej vleugn opn draf noa veur
Veuln zich doarin ok niet zo good
En woln dan ok beslist niet bloot
Op heur wangn han ziej ne rooie kleur.

De modeshow zoaterdag biej Dorcas
Hef nog völle geld op-ebracht
Det is oalemoal veur het goode doel
En gif ne ieder ok ne good gevoel
An arme wichter wödn ok edacht.

reageer als eerste
Meer berichten


Shopbox