Logo twentsvolksblad.nl


Foto: Fenny

Gedicht Fenny Martens-Berends: Veurjoar

De krokussen siert mien veurjoars tuun
Ok tulp'n goat heur gaank
Ak al diej veurjoarsbloomen ziej
Diej maakt miej det onmeundig bliej
De weenter duurn miej völste laank

Mien forsythia vlamt doarin de tuun
Met heur gellen veurjoars pracht
Heur blaagies die't zich open vöolt
Met bluumpies op het strakke hoolt
Ziej is't den miej het veurjoar bracht.

Op'tgezon doar zit nen gieteling
He'j dribbeld hin en weer
Pikt doar in't gruune veurjoars grös
He'j löt den dikken pier neet lös
Zien stat git doarbiej op en neer.

Biej oamd zeengt he'j het heugste leed
Zeen zang det dut miej good
He'j zit boam in de conifeer
In't zwatte pak as nen echen heer
He'j maakt het veurjoar veur miej good.

Kom veurjoar blieft niet te leutern
Ik bin er noe wel an toe
Loat oew woare gezichte ziene
En loat de koalte mar verdwienen
Ik verlaankt toch zo noa oe.

reageer als eerste
Meer berichten

Shopbox