Foto:
Gedicht

Wat gung er mis

Wat gung er mis

De netuur diej is zo prachtig

Mar iej mag ok naans meer kom

Völle bospaan diej bint of-eslötn

Det vin ik toch wea dom.

Heb iej een mooien oldtimer

Den nog op diesel rit

Dan mag iej de stad nit kom

Ziej misgund oe dit bezit.

Det de NAM zien ofvalwater loost

In oons mooi netuur gebied

En völle Groninger meansen

Deur bevingen gin uutkomst ziet.

Det meansen biej de Haanderik

Heur huze in de steigers stoat

Deur warkzaamheden an’t kanaal

Zit ziej in ellende en bint kwoad.

Ok de meansen van de toeslaagn

Diej schrukn zich helemoal lam

veurn belasting wan ziej fraudeurs

En doar noe in aarmood kwam.

En dan oonze arme boern

Diej’t zo völle veurschrifn hebt

En al diej boern uut boetnlaand

Diej de boele hier mangs benept.

Nederlaand kump um in de regels

Oons laand git doar an kepot

Plan bedacht achter het bureau

Zo wödt de meansheid beknot.

Fenny Martens Berends

Peter Bulthuis
Contentcoördinator DPG Media
Meer berichten

Het lokale nieuws in uw mailbox ontvangen?

Aanmelden